Esbilla
del.icio.us
Rozagás ´07
En Rozagás, cola collaboración especial de Clara ya David.
RuENeS ´07
Esta ye la camiseta´l grupu, que por ciertu quedonos mui curiosina. Estrenámosla na verbena del pueblu de Ruenes. La xente asustose..."¿quien coño serán estos de la gocha en pote?"
Llegó la hora durmirZzZzZZZZZZ!!
Mientre se tocaba l´alborá, pa espertar a mediu pueblu. Nosotres entamamos a calentar les voces, sentaes nel portal de la casa Ruenes. Los que pasaben per delantre casa, pa saludar o bien de pasu pa ver salir el ramu, pararon un ratín a sentinos cantar.
El día taba gris, menos mal que llegó "pachanguín" pa sacar el sol
Nun pueu marchar ensin dexavos el enllaz, pa los que quieran sentir a, Ramón Toral, ún de los meyores puyadores que pué haber. Otru añu más entretuvo a mediu pueblu colos sos chistes mientres los bollos dibense finando.
RuENeS ´07
Camin de Ruenes foi la gocha en pote, por segundu añu, con muches ganes de pasalo en grande, y dar lo meyor de sí al pueblu del nuestru collaciu Ramón, o meyor dicho Ramonín como bien ye conocíu nel pueblu.
Les semeyes que podeis ver, describen un puquñín lo que ficimos. Comu novedá, podemos destacar el mal tiempu que fizo, que en bona parte fastidionos la folixa que dibemos armar, y que esti añu acompañonos un mozo persaláu, Mario, que tocó la gaita, y aprendió a baillar cumbia na verbena. Polo demás decir que tamos mui agradecios pola acoyida que nos dio el pueblu, que nos entusiama les ganes que -y ponen pa que la fiesta se siga faciendo añu tras añu,y por todo eso esperamos tar elli el próximu 15 de Agostu.
Ruenes
Pal proximu 15 de Agostu tamos nel pueblu Ruenes nel conceyu Peñamellera Alta.
Nosotres
Foi enriba l´escenariu delantre de munches persones (y nun ye coña)cuando esti grupu se dió a conocer de la manu de Chus Pedro, cantando una perconocía danza na foguera de San Xuan de Xixón en 2004
Dende entós y ensin munches pretensiones entamaron a xuntase pa tocar en bodes, bautizos, comuniones y otros xaraos del estilu...
